प्रधानमंत्री नरेन्द्र मोदी ह किहीन हे कि दुनिया ए बखत अस्थिरता के दउर ले गुजरत हे। फेर, भारत आत्मविश्वास दृढ़ संकल्प के संग विकास के रद्दा म आगू बाढ़त हे। नई दिल्ली म राष्ट्रपति भवन म नीति आयोग के ग्यारहवां शासी परिषद के बइठका के अगुवई करत श्री मोदी ह कहिन कि जइसे-जइसे भारत, विकसित भारत के लक्ष्य कोति बाढ़त हे। अइसन बेरा म केन्द्र अउ राज्य सरकार के सामूहिक जिम्मेवारी बाढ़ जथे। ओमन कहिन कि राज्य के बीच सहयोग, गोठबात अउ विचार साझा होना चाही। संगेसंग नीति आयोग एमा मदद खातिर सबले बने भूमिका निभा सकत हे।
प्रधानमंत्री ह किहीन कि गुणवत्तापूर्ण सिक्षा, कौशल विकास अउ युवा मन बर रोजगार देवाना ए प्राथमिकता बने रहना चाही। कृषि अउ स्टार्टअप ल लेके विज्ञान अउ नवाचार तक नारी शक्ति सबो क्षेत्र म अपन योगदान देवत हे। एखर सेती राज्य मन ल माईलोगिन के सिक्षा, कौशल विकास, सुरक्षा अउ सशक्तिकरण ल प्राथमिकता देना चाही।
एसो के बइठका के विषय हरय – दो हजार सैंतालीस तक विकसित भारत के लिए समावेशी मानव विकास‘‘। बइठका म सबो राज्य अउ केन्द्रसासित प्रदेस के मुख्यमंत्री, राज्यपाल अउ उप राज्यपाल भाग लेवत हे।
दोस्तों हमारे साथ बने रहे, साथ ही Tech News के लिए मेनलैंड वेब जरूर चेक करें
